SOGN AVIS Helsestatsråden spelar ballen over til kommunane for å sikra eit fødetilbod i Lærdal.
Helseminister Anne-Grete Strøm-Erichsen seier til Sogn Avis at det no er mykje opp til kommunane for å få til ei jordmorstyrt fødestove i Lærdal.
– Me har bestemt at det uansett skal vera eit barseltilbod ved sjukehuset, slik at fødande kvinner kan koma attende dit etter fødselen. Men klarer me å rekruttera lokale jordmødre, og unngå vikarstafettane, vil dei som ønskjer det og har helse til det, kunne føda i Lærdal, sler Strøm-Erichsen fast.
Ho trur at kommunane no vil kunne setje seg saman og finne ei løysing for dette, samstundes som det i Lærdal vil bli ei utvida satsing på lokalmedisinske tilbod. Ho er og særs nøgd med at regjeringa har valt å oppretthalda ortopedien, og akuttberedskap i form av laboratorium-tenester, røntgen og liknande.
– Dette er ei framtidsretta satsing på sjukehuset i Lærdal, seier Strøm-Erichsen, som legg vekt på at Lærdal skal utviklast med fleire polikliniske tenester.
• Les saka i Sogn Avis ved å klikke her eller på overskrifta
Ingen kommentarer:
Legg inn en kommentar