Ingrid Heggø: Øyremerkja til kvart sjukehus

SOGN AVIS Stortingsrepresentant Ingrid Heggø meiner det må øyremerkjast midlar frå Staten til kvart einskild sjukehus når det er klart kva det einskilde sjukehuset skal innehalda.

– Me får ikkje fred i Sjukehus-Noreg før me gjer grep. Eit slikt grep er at Stortinget må setja seg ned og seia kva eit lokalsjukehus skal innehalda og kva eit sentralsjukehus skal innehalda.

– Kva meiner du det skal innehalda?
– Det som står i Soria Moria, er at det skal vera nærleik til akutt og fødetenester.

Heggø seier at dei gjennom øyremerking vil få ei basisfinansiering av kvart einskild sjukehus.
– Det er ein veikskap ved modellen i dag at me manglar politisk styring og basisløyvingar til sjukehusa.

Ikkje vedteke
Heggø strekar under at det Helse Førde har vedteke når det gjeld fødetenestene i Lærdal og på Nordfjordeid, ikkje er vedteke i Helse Vest.
– Statsministeren har også sagt at ingen lokalsjukehus skal leggjast ned. Det betyr at vedtaket til Helse Førde strir imot politiske signal frå regjeringa. Omgjering av sjukehuset til distriktsmedisinsk senter og flytting til Sogndal vil også vera heilt uaktuelt.

Heggø seier ho ser ein klar fare i at Helse Førde vil sentralisera det meste til Førde.
– Dersom det då blir slik at pasientar i Indre Sogn og Nordfjord reiser til andre regionar, er eg redd for framtida til sentralsjukehuset i fylket. Då kan pasientgrunnlaget bli rimeleg tunt.

Ho legg til at det var eit feilgrep at eksisterande fødetilbod ikkje art vurdert av faggruppa som såg på den vidare fødselsomsorga i Noreg.
– Det gjer at me ikkje får konsekvensutgreidd den biten.

Heggø meiner også at sjukehusa må behandlast som offentlege føretak når det gjeld rekneskapsføringa.
– Det betyr blant anna at avskrivingsreglane som gjev store underskot, må vekk. Me må også vekk frå at alle sender rekning til kvarandre og i staden byrjar å behandla pasientar.

Heggø seier Arbeidarpartiet drøftar dette mykje på Stortinget.
– Dette er ikkje berre tankar som eg går rundt med.

Positive
Hilmar Høl, ein ihuga Ap-talsmann for lokalsjukehuset, tykkjer det er positive signal som kjem frå den eine Ap-representanten frå fylket.
– Eg ser det som veldig viktig at me får ei evaluering av reforma før det skjer noko meir gale. Me må ha ei politisk evaluering på kva det er me driv med. Det er folk og pasientar som skal vera i fokus, ikkje økonomi og intern rekneskapsføring.

Høl legg til at dersom Heggø gjennom desse utsegna inviterer til betre politisk styring av helsepolitikken i Noreg, så vil Ap i Årdal vera blant dei første som stør opp om det.

• Les saka i Sogn Avis ved å klikke her eller på overskrifta

Åge Starheim (FrP) spør statsråden om strukturendringer ved sykehusene i Lærdal og på Nordfjordeid

Spørsmål nr 127 til skriftlig besvarelse fra stortingsrepresentant Åge Starheim - Helse Førde HF - Strukturendringer ved sykehusene i Lærdal og på Nordfjordeid

Jeg viser til brev fra Stortingets president av 21. oktober 2010 vedlagt følgende spørsmål til skriftelig svar fra stortingsrepresentant Åge Starheim:

”Med bakgrunn i statsminister Stoltenberg sitt svar til repr. Laila Dåvøy i spørjetime onsdag 20. oktober vil eg stille følgjande spørsmål til statsråden: Kan statsråden gje eit klart svar på om dei planar Helse Førde har med strukturendringar ved sjukehusa i Lærdal og på Nordfjordeid vert stogga, og at dei aktivitetane som helseføretaket gjennom pågåande prosess har take bort ved desse sjukehusa, vert tilbakeført?”

Svar:
Regjeringen har gjort det klart at ingen lokalsykehus skal legges ned. I høringsutkastet til Nasjonal helse- og omsorgsplan går det frem at regjeringen vil videreføre arbeidet med en bedre arbeidsdeling mellom sykehus. Dette kan bety at enkelte sykehus skal gjøre andre oppgaver enn i dag, blant annet sett i sammenheng med samhandlings-reformen. Det legges til grunn at dagens desentraliserte sykehustilbud skal opprettholdes. Dette vil blant annet sikre nærhet til akuttfunksjoner og fødetilbud, selv om slike tilbud ikke gis ved alle sykehus. Lokalsykehusene skal spille en viktig rolle for å møte de store utfordringene vi står overfor med en større andel eldre innbyggere og flere pasienter med kroniske sykdommer og livsstilssykdommer. Dette vil kunne kreve endringer i tjenestetilbudet i det enkelte sykehus.

Det vil fremdeles være tre sykehus i Sogn og Fjordane. Det vil være indremedisinsk tilbud både på sykehuset i Lærdal og i Nordfjordeid slik at en skal kunne ta seg spesielt godt av den økende gruppen av pasienter med kroniske sykdommer, også ved akutt forverring av sykdommen.

Det er etter det departementet er gjort kjent med, ikke gjort endringer i Helse Førde som følge av den foreliggende plan om funksjonsfordeling som nå er under behandling. Jeg antar at representanten Starheim i sitt spørsmål refererer til omlegging av ortopedien og etablering av felles sengepost i Nordfjord. Når det gjelder ortopedien, så viser helseforetaket analyser av driften inneværende år at det er lav kapasitetsutnyttelse på operasjoner, samtidig som det er lange ventelister for poliklinisk behandling. Aktiviteten blir derfor lagt om for å tilpasse tilbudet etter behovene. Arbeidet med felles sengepost er en oppfølging av styrevedtak i Helse Førde HF i desember i fjor, og er hele tiden vurdert som et tiltak uavhengig av spørsmålet om fremtidig organisering av helseforetaket.

Jeg er kjent med at styret for Helse Førde HF har vedtatt en plan for svangerskaps-, fødsels- og barselomsorg i Sogn og Fjordane. Helse Vest RHF skal blant annet med utgangspunkt i dette innspillet utarbeide en helhetlig og lokalt tilpasset plan for tilbudet innen 15. november 2010. Dette er et ledd i oppfølgingen av Stortingets behandling av fødemeldingen i fjor. Denne planen skal så legges fram for departementet, og det skal ikke gjøres endringer i dette tilbudet før disse planene er behandlet av departementet.


Med vennlig hilsen
Anne-Grete Strøm-Erichsen

Nordfjord: Fødeavdeling er ikkje tema for Helse Vest

NRK SOGN OG FJORDANE Å vidareføre dagens fødeavdeling på Nordfjord sjukehus var ikkje tema for Helse Vest under eit ordførarmøte i dag.

Toppleiinga i Helse Vest møtte i dag Nordfjord-ordførarane på sjukehuset på Nordfjordeid for å diskutere framtidas sjukehustilbod. Dette var eit møte som ordførarane hadde bede om.

Helse Vest skal vurdere Helse Førde sitt forslag om å ikkje vidareføre dagens fødeavdeling, men dei er villige til å vurdere ei jordmorstyrt fødestove.

Argumenterer med rekruttering
Ordførarane ønskjer eit samarbeid mellom sjukehusa for å kunne innfri kravet om fire gynekologar på kvar fødeavdeling. Men ordførarane fekk ikkje dei lovnadane dei hadde håpa på.

For administrerande direktør i Helse Vest, Herlof Nilsen, trur dette vil bli vanskeleg.
– Dei slit også med rekruttering på fødeavdelingane av i Midt-Norge og Sunnmøre. Det er ikkje berre Helse Førde som slit med å skaffe gynekologar, men det gjelder også i resten av landet, seier Nilsen til NRK.no.

Alle ordførarane retta skarp kritikk mot det dei kallar dårlege prosessar frå Helse Førde si side, og magel på involvering av kommunene. Vågsøy-ordførar Roger B. Silden sa i møtet at han følte at dei ikkje vart tekne på alvor.

Diskuterte tre alternativ
Helse Vest ville ha synspunkt på tre konkrete alternativ for det framtidige fødetilbodet.

Det eine er Helse Førde sitt framlegg om å legge ned fødeavdelinga, og å oppgradere fødeavdelinga i Førde til kvinneklinikk. Forslaget opnar også for ei eining for barsel og kvinnesjukdomar på Nordfjordeied der gynekologar frå Førde ambulerer.
Det andre er jordmorstyrt fødestove på Nordfjord sjukehus.
Det tredje alternativet er eit forslag om samarbeid om fødetenestene med sjukehuset i Volda.

• Les saka på NRK Sogn og Fjordane sine sider og høyr Asgeir Reksnes sin reportasje ved å klikke her eller på overskrifta

Utfordra til nytenking om føden

FIRDA Helse Vest i møte med nordfjordordførarane

Ei vidareføring av dagens fødeavdeling ved Nordfjord sjukehus var ikkje med blant alternativa leiinga i Helse Vest i spelte inn som diskusjonstema for Nordfjord-ordførarane under eit møte på Nordfjordeid i dag.

– Det eksisterande fødeavdelingsalternativet kjenner vi, sa Helse Vests adm. dir. Herlof Nilssen til firda.no, etter at han innleia til ordskifte under dagens møte mellom regionføretaket og ordførarane i Nordfjord.

Tre alternativ
Helse Vest inviterte til synspunkt rundt tre konkrete alternativ for den framtidige fødetenesta.

Det eine er Helse Førdes framlegg, med Kvinneklinikk i Førde, med eining for barsel og kvinnesjukdomar på Eid, og der gynekologar ambulerer frå Førde.
Det andre er jordmorstyrt fødestove på Eid.
Det tredje alternativet er eit samarbeid om fødetenestene med sjukehuset i Volda.

Avgjerda ikkje teken
Leiinga i Helse Vest streka samstundes sterkt under at avgjerda ikkje er teken, og oppmoda ordførarane til å kome med kommunane sine reelle alternativ.

Ei rekkje av dei lokale representantane, som Nordfjordrådets leiar Gunn Helgesen (KrF) og Vågsøy-ordførar Roger B. Silden (Ap), kritiserte sterkt Helse Førdes prosess og innsnevring av mandatet for gruppa som skulle greie ut fødetilbodet.
– Vi føler at vi ikkje blir tekne alvorleg av Helse Førde, sa Silden.

Toppane
Under møtet stilte toppleiinga for Helse Vest med styreleiar Oddvard Nilsen og adm. dir. Herlof Nilssen i spissen. Lokalt stilte ordførarar, rådmenn og helsepolitikarar frå alle deler av Nordfjord, pluss m.a. gynekolog Arne Järnbert frå Nordfjord sjukehus og kommunelege Trond Inselseth frå Vågsøy. Frå Helse Førde stilte administrasjonen i føretaket og styremedlemene Harry Mowatt og Anni Felde.

• Les saka i Firda ved å klikke her eller på overskrifta

Klar melding til Gahr Støre

PORTEN Blir Lærdal sjukehus lagt ned leverar eg attende både partiboka og medaljen eg har fått. Harald T. Lægreid var klar i sin tale til utanriksministaren.

Lægreid har tidlegare gått ut og sagt han vil melde seg ut av Arbeiderpartiet dersom sjukehuset i Lærdal vert lagt ned. Då utanriksministar Jonas Gahr Støre var på vitjing i Årdal måndag, fekk partiveteranen på Årdalstangen ein prat med Gahr Støre på tomanns hand.
- Eg står fast ved det eg tidlegare har sagt, det er beklageleg etter 63 år som medlem i Arbeiderpartiet, men slik vert det dersom lokalsjukehuset vårt vert lagt ned, seier Lægreid.

Kva svara utanriksministaren til det?
- Han var forståelsesfull for mitt standpunkt, og ville ta dette med seg inn att til partiet sentralt i Oslo, seier Harald T. Lægreid.

• Les saka på Porten ved å klikke her eller på overskrifta

Støre fikk en rød-grønn feiekost av aksjonistene

"Dette er en feiekost. Den ser helt vanlig ut, men er egentlig magisk.

Den kan brukes i det godes tjeneste; nemlig å koste vekk alle ulne formuleringer og uklarheter om hva den rød-grønne regjeringen mener om lokalsykehus. Den kan brukes til å feie bort all usikkerhet om framtida for sjukehuset vårt. Dette er dens egentlige formål.

Men om den ikke brukes på rette måten, kan den snu seg mot sin eier. Da begynner den å leve sitt eget liv, og man risikerer at den feier den rød-grønne regjeringen rett ut av kontorene.

Ta den med deg, og husk hva vi har sagt i dag."

• Bilde hentet fra Porten. På bildet: Siv Enerstvedt og Jonas Gahr Støre

"Lokalsjukehus - tryggheit frå vogge til grav"

PORTEN.NO "Lokalsjukehus - tryggheit frå vogge til grav". Dette var berre ein av parolane utanriksminister Jonas Gahr Støre vart møtt med då han kom til Øvre Årdal måndag. Bente Øien Hauge i Forsvar Lærdal sjukehus sa folk var grundig lei ulne formuleringar uklåre løfte og mangel på presiseringar frå regjeringa. Ho etterlyste politisk styring av sjukehusstrukturen.

Utanriksministeren var invitert til industribygda av Årdal Arbeiderparti til omvisning på Hydro, og samtalar med den den politiske leiinga i kommunen og fagrørsla. Før Gahr Støre gjekk inn på verksområde vart han møtt av aksjonistar som kjempar mot nedlegging av fødetilbodet, og det dei kallar ei demontering av Lærdal sjukehus.

Om lag 200 personar var møtt fram for delta i markeringa, før utanriksministeren kom var det både musikalsk underhaldning og allsong utanfor Porten i Øvre.

Jonas Gahr Støre vart møtt av Bente Øien Hauge og Siv Enerstvedt i Forsvar Lærdal sjukehus. Hanne Hestetun og Synnøve Askeland heldt deretter korte appellar om kvifor det er så viktig å ha eit lokalsjukehus i Lærdal.

Fryktar demontering
Bente Øien Hauge var glad for å få lov til å snakka direkte til Regjeringa, her representert ved Jonas Gahr Støre. Leiaren i forsvar Lærdal sjukehus snakka fyrst om fødetilbodet Helse Førde har gjort vedtak om å leggje ned. Og om frykten folk har for at dette berre er starten, at også resten av sjukehuset er under demontering. Vidare spurde ho kva det eigentleg betyr når Regjeringa lovar at ingen lokalsjukehus skal leggast ned, og at me skal ha nærleik til akutt- og fødetilbod.

- Me er grundig lei av ulne formuleringar, uklåre løfte og mangel på presiseringar, sa Bente Øien Hauge. Og hadde med seg ein feiekost som gåve til utanriksministeren.

- Den kan brukast til å kosta vekk alle ulne formuleringar om kva den raudgrøne regjeringa meiner om lokalsjukehus, den kan brukast til å feie bort all usikkerheit om framtida for sjukehuset vårt. Men vert den ikkje brukt riktig kan den snu seg mot eigaren. Då kan ein risikere at den feiar den raudgrøne Regjeringa ut av kontora, sa Bente Øien Hauge.


Best mogleg helsetilbod
Jonas Gahr Støre takka for at så mange ville møte han, og sa det ikkje var vanskeleg å forstø det glødande engasjementet for lokalsjukehuset.

- Eg vil likevel understreke at det er ingen i Regjeringa som driv med ulne formuleringar. Bodskapen vår er at alle i heile landet skal ha eit best mogleg helsetilbod, og eg håpar den vert høyrt, sa Jonas Gahr Støre før han hasta til vidare til møte og omvisning på Hydro.

• Les saka på Porten (og sjå fleire bilete) ved å klikke her eller på overskrifta

Gahr Støre var møtt med krasse krav frå sine eigne

NRK SOGN OG FJORDANE Utanriksminister Jonas Gahr Støre kom til Årdal i dag, og vart møtt med krasse krav frå sine eigne.

Partiveteranar truga nemleg med å levere inn æresmedlemskapene sine dersom lokalsjukehusa ikkje består. Dei meiner partiet sit med nøkkelen i sjukehusstriden og krev at lokalsjukehusa må bergast.

Vil levere inn partibøkene
Harald Lægreid har vore medlem av Det norske Arbeiderpari i ein mannsalder og er ein av dei som no trugar med å melde seg ut.

Sjukehuset i nabokommunen Lærdal er eitt av kring 15 lokalsjukehus landet rundt som er truga.

– Dersom Lærdal sjukehus blir lagt ned, kjem eg rett og slett til å levere inn mine partibøker og diplomen som eg fekk for mine 63 år som medlem, seier Lægreid.
– Det ser ikkje ut som det er andre ting som virka på dei, og eg meiner at fleire bør stå fram og gje klar beskjed, seier Lægreid.

Engasjerte sogningar marsjerte i dag for lokalsjukehuset sitt då Arbeiderpartiet sin mest populære statsråd kom på besøk.

Fekk møte ministeren på tomannshand
Lægreid var klar i talen då han fekk snakke med ministeren på tomannshand, og Gahr Støre lytta med store øyre:
– Bodskapet er klart. Eg forstår, sa Gahr Støre til Lægreid.

– Kan du ta det med tilbake til dine?
– Ja, det skal eg gjere.

Vart skulda for å vere ullne
I industribygda Årdal har Arbeidarpartiet over 70 prosent av røystene. Når grasrota varslar distriktsopprør, må partifolka frå Youngstorget lytte.

Sjukehusforkjempar Bente Øien Hauge skulda regjeringa for å vere ullne i formuleringane deira, og å krevde at dei raudgrøne snart må seie kva dei meiner om lokalsjukehusa.

– Eg godtek det begrepet. Men eg vil også seie at ingen ønskjer å vere ullne, men når det er store og krevjande avgjerder som skal takast må ein ta den tida som trengst, seier Gahr Støre til NRK.no.

• Les denne og relaterte saker på NRK Sogn og Fjordane ved å klikke her eller på overskrifta

• NB! REPORTASJEN FRÅ DEMONSTRASJONEN LIGG OGSÅ PÅ SAMME SIDE

Møtt av demonstrantar

SOGN AVIS Jonas Gahr Støre vart møtt av sjukehusdemonstrantar då han kom til Øvre Årdal i dag

Utanriksministeren kom til Øvre Årdal etter å ha vitja Sogndal. Sjølv sa ministeren dette om å møta demonstrantane:

– Eg kunne fint ha takka nei til det. Men eg skal møta dei, for det er ein del av demokratiet. Eg skjønar veldig godt at det er engasjement rundt det sjukehuset som er nærast deg. Det er jo ikkje sikkert dei haldningane dei har er gjengs i heil fylket. Men det skulle berre mangla, når ein frå regjeringa er på besøk, at eg ikkje stoppar opp og høyrer kva dei har av spørsmål, seier Støre.

Han vart møtt med plakatar, demonstrantar og representantar for mødrer og ungdommar som gav klar beskjed om at fødetilbodet og sjukehuset ikkje må leggjast ned. Sjukehusforkjempar Bente Øien Hauge heldt ein appell til utanriksministeren utanfor Hydro.

Også ein gamal partiveteran, som i vår var ute i media og ville melda seg ut av Ap, fekk snakka på tomannshand med utanriksministeren. Harald T. Lægreid gjorde det klart at han melder seg ut dersom Lærdal sjukehus blir lagt ned.

– Det står ved lag, og det sa eg til han no og. Han sa at han håpa at det ikkje ville skje, og at han ville leggja saka fram for dei andre i regjeringa, seier Lægreid.

Bente Øien Hauge tykte det var veldig greit å få høve til å framføra bodskapen overfor Støre og tykkjer han svarte omtrent som forventa sidan han ikkje er fagstatsråd.

– Han sa at dei ikkje brukar ulne formuleringar, men der er me sjølvsagt usamde, for det gjer dei og det meiner eg er eit problem for regjeringa.

• Les saka i Sogn Avis ved å klikke her eller på overskrifta

Appell fra aksjonen til Jonas Gahr Støre, 1. november 2010

Vi er veldig glad for å få lov til å snakke direkte til regjeringen akkurat i disse dager. Befolkningen både i Årdal og nabokommunene opplever nemlig dette som en skjebnetid for lokalsjukehuset vårt.

Fødetilbudet har Helse Førde gjort vedtak om å legge ned. Det betyr at gravide kvinner i Årdal må gå med redselen for om de rekker fram til sjukehus tre timer unna. Vi vet at det kan oppstå brå og uventede komplikasjoner under fødsel. Legeberedskapen ved føden i Lærdal har reddet liv, og vi kan ikke godta at fødetilbudet og legeberedskapen skal tas fra oss.

Men også resten av Lærdal sjukehus er under demontering. Vi frykter å miste tryggheten for at sykehuset kan hjelpe oss når vi blir stadig oftere sendt den lange veien til Førde. Samtidig er ambulansesituasjonen utilfredsstillende - f.eks. er det bare én ambulanse her i industrikommunen Årdal og ingen ambulanse i det hele tatt stasjonert i reiselivskommunen Aurland!

Nedbygging av helsetjenesten vår vil gjøre regionen her om til en ødemark, et sted der ungdommen ikke vil bosette seg. Dette er urettferdig og vil bli ødeleggende for de gode lokalsamfunnene våre. Veien du kjørte på i dag, fra Fodnes til Årdalstangen, er en del av et prosjekt som også skulle gi årdølene kort vei til sjukehus med fødetilbud og akuttberedskap. Dette har Årdals-samfunnet brukt mye ressurser på.

Et godt lokalsykehus er viktig for industri og annet næringsliv. Og vi kjenner Lærdal sjukehus som et godt sjukehus, som kan ta vare på oss når vi er sjuke, skadet eller skal føde. Det er et sjukehus som i likhet med mange andre, har vært under omstilling i alle år.

Gro Harlem Brundtland sa "Alt henger sammen med alt". Og det var sanne ord. Når vi kjemper for et sjukehus med akuttberedskap og fødetilbud, handler det ikke bare om de akutt sjuke og de fødende. Det handler også om å sikre et oppegående sjukehus med så mye aktivitet og breddekompetanse at de også kan ta seg av gamlemor med lungebetennelse eller lårbensbrudd, kronikere med pustevansker og onkel med mange diagnoser. Uten fødetilbud og akuttberedskap, da rakner helheten og etterhvert hele sjukehuset. For da vil vi fort miste anestesilegene, røntgentjenesten, laboratoriet og de andre støttefunksjonene.

Vi godtar ikke lenger ulne formuleringer og uklare løfter fra regjeringen.
Vi opplever at dere holder oss for narr når dere sier at sjukehuset ikke skal legges ned, samtidig som Helse Førde vil ta bort det meste det vi forbinder med sjukehusdrift. Helseministeren lovet da hun var her i mai at vi skulle beholde akuttberedskap og indremedisin. Men det går ikke an å ta én bit ut av et sjukehus og tro at den kan stå på egne ben. Alt henger sammen med alt.

Vi er grundig lei av ulne formuleringer, uklare løfter og mangel på presiseringer. Vi vil ha politisk styring av sjukehusstrukturen og konkretisering av hva det betyr når dere lover at ingen lokalsjukehus skal legges ned og at vi skal ha nærhet til akutt og fødetilbud.

Derfor har vi en gave til deg i dag.
Kroneverdien er lav, så du kan være trygg på at det ikke skal blir noe etterspill.

Dette er en feiekost. Den ser helt vanlig ut, men er egentlig magisk.

Den kan brukes i det godes tjeneste; nemlig å koste vekk alle ulne formuleringer og uklarheter om hva den rød-grønne regjeringen mener om lokalsykehus. Den kan brukes til å feie bort all usikkerhet om framtida for sjukehuset vårt. Dette er dens egentlige formål.

Men om den ikke brukes på rette måten, kan den snu seg mot sin eier.
Da begynner den å leve sitt eget liv, og man risikerer at den feier den rød-grønne regjeringen rett ut av kontorene.

Ta den med deg, og husk hva vi har sagt i dag.

Demonstrasjonen i Årdal mandag 1. november kl. 13.45

Forsvar Lærdal sjukehus har fått tillatelse til å demonstrere og overrekke et opprop til Jonas Gahr Støre når han kommer til Årdal mandag 1. november.

I oppropet vil vi kreve at regjeringen tar på alvor sine egne løfter om nærhet til akuttberedskap og fødetjenester. Regjeringen må derfor gripe inn og stoppe både nedleggingen av Føden i Lærdal og nedbyggingen av sjukehuset vårt.

Vi ber alle som støtter disse kravene om å møte opp og vise det! Ta gjerne med plakater, banner, fagforeningsfaner o.l.

Frammøte mandag 1. november kl 13.45, sted er Porten på verket i Øvre Årdal.

Det blir satt opp busstransport fra Rådhuset, Lærdal. Påmelding til bente.oien.hauge@gmail.com, med navn og mobilnummer, så fort som mulig og senest før helgen.

Føden har god kvalitet

SOGN AVIS Det vil ikkje bli fagleg betre for fødekvinnene i Indre Sogn med den føreslegne modellen der alle kvinnene i fylket skal føda ved sjukehuset i Førde.

Det skriv tilsette ved fødestova i Lærdal etter styrevedtaket i Helse Førde om å leggja ned den forsterka fødestova.

Dei tilsette skriv at styret sin konklusjon i saka er ikkje i samsvar med den røyndomen dei møter i kvardagen.

– Helse Førde har skapt eit inntrykk av at det er dei lokale fagmiljøa som ynskjer å leggja ned fødetilbodet i Lærdal og viser til utgreiinga frå ei faggruppe. Men i faggruppa sitt mandat var der ingen mogelegheit til å velje vår noverande modell eller oppgradering til fødeavdeling. Ei nedlegging er det siste me ynskjer, skriv dei tilsette og viser til at bemanninga med jordmødre og gynekologar som er godt kjende på fødestova og kjem att fleire gonger i året, er ei stabil og robust løysing med høg kvalitet og lang røynsle.

– Denne lærdalsmodellen er eit godt foredøme for andre lokalsjukehus.

Dei tilsette meiner vidaare at fødestova i Lærdal er ei tryggleiksbase for alle gravide og fødande i Indre Sogn både under svangerskap og fødsel, uansett kvar fødselen er planlagt.

– Gynekologbemanninga i Lærdal har redda liv for både mor og barn.

Det blir også peika på at kvinner i Sogn og Fjordane har høg fruktbarhet, og fødselstala i regionen ikkje ervpå veg nedover slik nokon kanskje trur.

– I sjukehuset sitt område er det om lag 300 fødslar i året. Alle desse familiane i etableringsfasen treng beredskapen som fødestova har i dag.

• Les saka i Sogn Avis ved å klikke her eller på overskrifta

Ungdomsrådet møtte statsråden

SOGN AVIS Kommunal- og regionalminister Liv Signe Navarsete lova i går på tru og æra å få underskriftene frå ungdomsaksjonen i Sogn fram til rette vedkomande. Statsråden rosa også initiativet frå ungdomane.

– Dette var stas, me vart godt mottekne og føler me vart tekne på høgste alvor, seier Synnøve Askeland (15) og Helge Evensen Bjørkum (16) etter møtet i Kommunal- og regionaldepartementet i går ettermiddag.

Dei to har stått i bresjen for ein underskriftsaksjon mot nedlegging av sjukehuset i Lærdal mellom ungdomar i alderen 13-19 år i Årdal, Lærdal og Aurland. Dei har samla inn heile 553 underskrifter.

– Dette er svært imponerande, sa kommunalminister Liv Signe Navarsete, då ho tok i mot dei to ungdomane i går. Tenåringane kunne fortelja at ikkje ein einaste ungdom dei har spurt har sagt nei til å skriva under.

Viktigare
Før Liv Signe Navarsete kom ut frå eit intervju med Dagsrevyen om Eidsiva-notatet, sa ungdomane at dei vona å få Navarsete til å ta underskriftene, og bøna om å halda liv i sjukehuset og fødetilbodet i Lærdal, vidare til helseminister Anne-Grethe Strøm-Erichsen.

– Helseministeren har jo sagt at ingen sjukehus skal leggjast ned. Me vonar ho står ved lovnadene sine og at Liv Signe Navarsete kan bidra i så måte, sa dei til Sogn Avis.

• Les saka i Sogn Avis ved å klikke her eller på overskrifta

Ungdom kjempar for sjukehuset

NRK SOGN OG FJORDANE Ungdommar frå Lærdal leverte underskriftslister mot nedlegging av sjukehuset.

Helge Evensen Bjørkum (16) og Synnøve Askeland (15) frå ungdomsrådet reiste fredag til Oslo for å overrekke 553 underskrifter. Dette gjorde dei for å vise støtte til Lærdal sjukehus.

Lova på tru og ære
Dei blei møtt av sambygdingen Navarsete som mottok underskriftslistene.
– Ho lova på tru og ære å levere dei vidare til helseminister Anne Grethe Strøm-Erichsen.

Tidlegare har dei engasjerte ungdommane skrive brev til helseministeren der det stod at dei unge ikkje vil bu i Lærdal, Årdal og Aurland om sjukehuset vert lagd ned.

Ei sak som engasjerer
Aksjonsleiar Helge Evensen Bjørkum seier at Navarsete var glade for at dei hadde teke turen til Oslo.
– Vi fekk ei hyggeleg stund ilag med Liv Signe. Vi snakka også om vedtaket om å leggje ned fødetilbodet, noko vi tykkjer er uakseptabelt.

Saka om sjukehuset engasjerer både unge og eldre i indre Sogn og det har ikkje vore problem med å få ungdommen til å engasjere seg.
– Det var ingen av dei unge som sa nei til å skrive under på listene. Ungdommene bryr seg og tykkjer det er viktig.

Håper ho tek dei på alvor
Evensen Bjørkum veit ikkje kva utfallet av underskriftene blir.
– Men vI håper og trur at helseministeren tek meiningane våre på alvor og tek dette med seg i vurderingane sine framover.

• Les saka på NRK Sogn og FJordane ved å klikke her eller på overskrifta

Vil ha omkamp om fødetilbod

NRK SOGN OG FJORDANE Stortingspolitikar og tilsette vil ha omkamp om Helse Førde sitt styrevedtak.

Stortingsrepresentant Kjerti Toppe (SP) vil at Helse Førde skal gjere arbeidet med fødeplanen om på nytt.

Ho seier til Bergens Tidende at Stortinget la heilt andre premissar til grunn då dei påla helseføretaka å utarbeide områdeplanar for fødetilbodet enn det Helse Førde har lagt opp til.

- Når dei ikkje har biltt bedt om det, må faggruppa få høve til å vurdere ei vidareføring av eksisterande tilbod ved sjukehusa i Lærdal og på Nordfjordeid, seier Toppe til avisa. Toppe er også nestleiar i helse og omsorgskomiteen på Stortinget.

Vekt kraftige reaksjonar
Styrevedtaket til Helse Førde forrige fredag om å legge ned fødetilboda har vekt sterke reaksjonar. Særleg har det vekt misnøye at styreleiar og leiing har hevda at det er full fagleg semje om nedlegging. Dete har vist seg å vere usant og klinikkdirektør Tore Dvergsdal i Helse Førde har denne veka beklaga utsegna.

Toppe meiner det er kritikkverdig at Helse Førde ikkje ein gong har lete faggruppa vurdere ei vidareføring av fødeavdelinga på Nordfjordeid og den forsterka fødestova i Lærdal.

- At ei faggruppe ikkje har mandat til å vurdere fødetilboda som i dag er ved lokalsjukehusa meiner eg er heilt urimeleg. Dei bør ta opp att arbeidet for å vinne tilbake litt legitimitet og tillit hos folk i Sogn og Fjordane.

- Økonomisk - ikkje fagleg
Toppe seier det frå utsida ser ut til at det er økonomiske grunnar som fører til nedleggingsvedtak, trass i at Stortinget har sagt at det ikkje kan skje ut frå økonomiske grunnar.

Helse Førde styret har på si side sagt at det er det faglege som er årsaka. Mellom anna viser dei til krav om at det må vere minst fire gynekologar knytta til ei fødeavdeling. Men Toppe meiner det vert for enkelt.

- Om det hadde vore slik kunne Stortinget berre sagt at små fødeavdelingar kan leggjast ned. Då ville både Eid og Volda ryke. Stortinget har bedt om ei heilskapleg vurdering av fødetenestene, seier ho til Bergens Tidende.

Også tilsette vil ha omkamp

Tilsette ved Nordfjord sjukehus vil også ha omkamp om nedleggingsvedtaket. Overjordmor Linda Grotle Hauge som var ein del av faggruppa til Helse Førde seier til Fjordabladet at prosessen har blitt manipulert av måten den er lagt opp på.
- Eg føler at denne institusjonen hadde fortent betre.

Grotle Hauge seier til avisa at ho vil arbeide ovanfor Helse Vest for å skaffe prosjektmidlar som det kan vere råd å få tak i. Ho ynskjer eit prosjekt som kan sjå på korleis ein kan behalde fødeavdelinga.

- Målet med prosjektet vil vere å sjå korleis ein skal organisere seg for å behalde fødeavdelinga. Eg er ikkje i tvil om at fødeavdelinga er viktig for at folk skal busetje seg i regionen, seier Grotle Hauge til Fjordabladet.

• Les saka på NRK Sogn og Fjordane ved å klikke her eller på overskrifta